空氣炸鍋食譜蜜糖雞翼－INNs-PRO

第二份空氣炸鍋食譜 - 蜜糖雞翼

雞翼控既我, 有了空氣炸鍋後點都要試下用炸鍋整雞翼!
雖然雞翼係香港人最愛既食物榜排行第一位,
不過我家 M.C 先生並沒有對雞翼有濃厚興趣。
為左感染佢, 我決定要整多些好食既雞翼食譜, 令佢愛上食雞翼!

話說今日本來沒有打算整雞翼, 不過收到媽媽的電話說想吃蜜糖雞翼,
那好吧, 結果我與 M.C 先生今晚也一同吃雞翼吧。

五人份量, 一共 17隻雞翼。
(好彩買了大SIZE的炸鍋, 要不應該要分兩次整吧)

1. 先將雞翼解凍。
2. 用約 2湯匙生抽醃雞翼 (今次醃了 4小時)。
    (我習慣將所有雞翼平放於一隻碟上，生抽份量剛好讓所有雞翼沾上便可)
3. 用 120度預熱炸鍋 3分鐘。
4. 將錫紙舖於炸籃上。
    (錫紙可避免調味料流落炸鍋底部)
5. 然後將雞翼平放於錫紙上, 再用油掃將蜜糖塗於雞翼面上。
    (如用蜜糖的話, 建議先坐熱蜜糖會較容易塗於雞翼上)
    (如用冰糖的話, 先煮溶冰糖才塗於雞翼上。用剩的冰糖需用熱水暖著, 以便冰糖涼了後變硬)
6. 以 200度烤炸 10分鐘。
7. 將雞翼反轉, 然後將未塗蜜糖 / 冰糖的那面塗上蜜糖。
8. 再以 180度烤炸 5分鐘, 此時雞翼已全熟
9. 如覺得雞翼未夠乾身的話, 請將錫紙上的汁倒掉
10. 然後再每邊以 200度烤炸 2分鐘便可

值得留意的是, 如選用冰糖的話, 在煮溶冰糖時需要加入少量水。
如想雞翼惹味一點, 可以加點炸蒜上烤炸好的雞翼上。